Nazia Nazar; Lahore, Pakistan
nazianazar@hotmail.com

kia dastaaN sonaooN adhoori mulaqaat ki
   na ji bhar ke dekha na kuch baat  ki
   ik behtay samandar maiN hooN qatray ki soorat
   kia hesiyat hai is  jahaaN maiN meri zaat ki
   har bazm ko aabaad kareN gay ye or  baat
   dunya ojar chuki meri  daroon-e-zaat  ki
   tuj se bichar ke guzray din teri yaad maiN
   or aksar ro ro kay ashkoN  maiN  raat  ki
   toofaN maiN mujhe chor gaya wo to yaad aaya
   sahil pay qasam khai thi  os nay saat  ki
   shikwa os say khatm-e-muhabbat ka kiuN karooN
   jab faani har ik cheez hai is  kainaat  ki
   irada  omar bhar na milnay  ka kar kay
   aaj ham nay os say  phir mulaaqaat  ki
   na saawan ke choolay na lehratay aanchal
   gum kahaaN ho gaeeN wo ronakeeN barsaat ki
   dunya say har dukh mita  deti  NAZI
   kaash baat  hoti  ye  mere haat  ki