Shoaib Tanvir; Toronto, Canada
stanvir@go.com
 

   woh mahmaaN hui thi bas ik raat ki
ajab raat thi woh tilasmaat ki

usay kuchchh bhi sun'ne ki aadat kahaaN?
kya zaroorat thi tum ko sawalaat ki!

ajab be~dili se milaa aaj woh
"na ji bhar ke dekha na kuchchh baat ki"

banaya tha us ko mire waaste
magar dekh saazish yeh haalaat ki

kabhi khushk hoN ge yeh aaNsu mire?
jhaRi ik musalsal si barsaat ki

Shoaib us ne ham se ajab khel khela
bas ik daao meiN zindagi maat ki

 bohat naaz tha apne haalaat par
 nazar lag gai mujh ko haalaat ki

Shoaib is qadar gham na kar meri jaaN
ab woh izzat naheeN ahl-e-saadaat ki