kahiN door blundioN par bhaRka sho'la mere aage
dekha khulq e khuda ne who nazzarah mere aage

woh kaisa saniha tha, jo diloN ko hila gaya       
dam zadan meiN shehr ka manzar khak huwa mere aage

kaun vehshat zadah tha jo apni junoon ki aag meiN
aik aalam ko dehshat zadah kargaya mere aage

rah bar e rah koie, na  manzil hai saamne
baqi hai aur abhi dasht ka silsila mere aage

kahaan rakkhoN bunyaad, meiN apne makaan ki
ke daryaa  mere peeche, sehraa mere aage

maira lahoo bhi hazir hay, baRhao lo chiraGh ki
meiN bhi ye chata hoon, ho ujala mere aage

kiya mumkin nahiN hai mere dard ki dawa hona ?
Khamosh Kyun  khaRa hai  maseeha mere aage

"kiya jane kiya likkha hai lakiroN ke darmiyaN"
hota hai har lamha aik hadesah mere aage

mujhe hosh meiN rehna hai saqi abhi         
na  rakkho jam o sabo,saGar o mina mere aage

zulmat kada e dher meiN aaya hai aik madari
"hota hai shab o roz tamasha mere aage"

terz e sukhn badalkar who  karne lage heiN baat           
jo rehte thay khafaa aksar,subh o masaa mere aage  
      
samjhe thay jisko ees daur ka naya zehn
nikla who aqwal gazeeda mere aage    
       
kal tak   raha hoon jinki, jafaoN ka hadaf meiN   
aaj kar rahe hein iqrar e wafa mere aage

kaise karoonN aey dil, meiN auroN pe inhisaar !
paRa hai rah meiN patthar anaa ka, mere aage

hai a'bus Swaleh, aseer e ilm e jahalat se ulajhna
ke har lufz oos jehel ka hai  be~sada mere aage Swaleh