mat cHeR dard o Gham ka fasana mere aagay
     " hota hai shab o roz fasana mere aagay"

    hargiz naheiN huN dowlath o shorath ka talabgaar
      bekaar haiN ezaaz-e- zamaana mere aagay

    toRa hai jis ne maar ke THoker mera saboo
      aayega kisi roz woh pyasa mere aagay

    ek aisy dawa do jo miTa de tamaam Gham
      beemar ye karta hai taqaaza mere aagay

    doctor huN meiN GhareeboN ka har roz sub'h o shaam
      dukh dard ke maaroN ka hai taaNta mere aagay

    pee kar ma'ye alast ye kehta hai ab shakeel
      "baazecha-e-atfal hai duniya mere aagay"