Kaisee chalee hai ab ke hawaa in bahaaron mein
     khushboo bhi kho gayi hai ab in gulzaaron mein

     Suna tha ki aik hi, khuda ki hai ye duniya
     jal rahi hai aaj vo mazhab ke shraaron mein

     Hota hai shab-o-roz tamaasha mere aage
     maut yahan biktee hai sur-e-aam bazaaron mein

     Insaan bhula baitha hai, qeemat sab rishton ki
     ab to yeh bhi mil jaate hai aam ishthaaron mein

     Yun to mujhe naseeb se 'Anant' dost milay hain
     na mila vo chaand jo, dekha tha  nazaaron mein