woh kaun tha .....
.jo sho'loN ka libaas pehnkar eendhan ka samaaN bana
      kiske liye wehshat zadah ne ye kam kiya ?
   Kaun tha woh ......
      jo khud to huwa fanaa magar auroN ki zidgi azaabnak bana gaya
   kaun tha who ........
   jo apne junoon ka sho'la dehka gaya
   na marne waloN ko qatiloN ka pata
aur
   qatiloN ko shayed ye ma'loom bhi nahin
ke
   khud apna qatal kiyuN kiya ?
   kiyuN huwa insaniyat ka qatal logo ?
   kiyuN huwa insaaN pe musallat shetaaN logo?
   zindgi aisi tu na thi kabhi?
   zindgi arzaaN tu na thi kabhi 
                mana ke zindgi hai mouat ki amaanat
 lekin
   aisi mouat kise ghawara ?

   zindgi jo thi kabhi
   chmakte suraj,damakte chaand ki tarah

   zindgi jo thi kabhi
   fazaoN meiN gungunati hawaoN ki tarah

   zindgi jo thi kabhi
   wadioN meiN behte jharnoN ki tarah

      aaj
  zindgi ko kiski nazar kha gaie
      jo zamane pe yun qiyamat dha gaie
              ab zindgi ruswa sar e bazaar hai
   lashoN ka laga anbaar hai
   zindgi khun meiN luthRi huwi
   zindgi rah meiN bhikri huwi

   shehroN pe dehshat ka saya hai

   mere Khuda ! ye
   Kaisa waqt aya hai

       log
   dehshat ke marey makanoN ke andar
   chilman e bujhi huwieN be~jalwah bam o dar
   jidhar dekho nazar aata hai andhera
   kaun jane kho gaya hai kahaan savera

   hai kiska is meiN dosh ?
   koii mantaa hi nahiN
   koii jantaa hi nahiN
   sabhi yaaN nirdosh ! !

   ye kaienaat kiya hai
   ik loh e tifl e maktab

            jahan koii nuqsh paiedaar nahiN

   poocha jab meiNe dil se
   lamhe who rahat ke

   shab o roz who chahat ke
   aakhir huwe kiya ?

   Aayee ik sada nihaaN se
   rona kis kis ka ro'ooN meiN

   bazinya ho ya checheniya
   arz e phalistine ya wadi e kashmir

   jab talak bazar e dehr meiN hai dehshat garoN ka vajood
   hota rahega hardam tamasha mere aage