.
"hota hai shab-o-roz tamaasha mere aage"

The winner of this month is Saadiq from California, USA
Read his kalaam below, rest of entries can be read by using the right hand menu. Good luck 
for next month!

   zaahir hai dhab-e-duniyaa saraapaa mere aage
   hotaa hai shab-o-roz tamaashaa mere aage

   mat soch ki badle.nge na kismat ke sitaare
   badlaa hai ghaDi bhar me.n zamaanaa mere aage

   deewaana kaha karte hai.N mujhko sabhi naahak
   laaye.n koi daanaa kabhi mujh saa mere aage

   har shakl se waaqif hu.n mai.N dekhe hai.N sabhi ra.ng
   mushkil hai koi dard chhupaanaa mere aage

   rudaad-e-gham-e-dil ko ghazal mein kaha aise
   jisko bhi sunaayii wohi royaa mere aage

   kyo.N phir ubhar aayaa tere maathe pe pasiinaa
   kyo.N zard hai phir ra.ng tumhaaraa mere aage

   naa jaane kahaa kyaa hue ruswaa sar-e-mahfil
   ai kaash teraa zikra na hotaa mere aage

   ahwaal ko 'Saadiq' kabhi likh bhejo kisii roz
   gar yu.N hai ki kahte nahi bantaa mere aage