nigah ki aakhri hadh tak chaloon ga
   mein rah ki aakhri hadh tak chaloon ga
   tujhey paaney ki khawahish dil mein ley kar
   dua ki aakhri hadh tak chaloon ga
   mujhey tera kinara dekhna hey
   jafa ki aakhri hadh tak chaloon ga
   agar woh neem wah aankhein pilaaen
   gunah ki aakhri hadh tak chaloon ga
   bhattak kar us sheher mein ittefaqan
   nazah ki aakhri hadh tak chaloon ga
   mein kaisey aeteraf_e_ishq kar loon
   ana ki aakhri hadh tak chaloon ga
   woh khanjar bhi agar maarey to faisal
   wafa ki aakhri hadh tak chaloon ga