ittefaaq hi to hai tujh se mera milna is tarah
   ittefaaq hi to hai sehra mei'N phool khilna is tarah

   mehfooz thay jo muthi mei'N taqdeer ke sitaare
   ittefaaq hi to hai unka bikharna is tarah

   sulagta hai dil begana-e-ghum mei'N din raat
   ittefaaq hi to teri yaado'N mein jalna is tarah

   hwaa bhi le gayee teray rukhsaar ka bosa
   ittefaaq hi ti hai chilman ka sarakna is tarah

   Dekha hai 'Anant' ne vasl ka vo manzar
   ittefaaq hi to hai aasmaa'N ka jhukna is tarah