Thak chuka hooN chalTe chalTe aagahi ki DhunD maiN 
ai KhuDi rahne bhi De ab beKhuDi ki DhunD maiN 

hai anaa shola lahakTa sa nami ki DhunD maiN 
ishq hai shabnam ka qaTra sholagi ki DhunD maiN 

jism-e-insaaN uryaN uryaN muflisi ki DhunD maiN 
zindagi lipti ho jaise bebasi ki DhunD maiN 

yaaD aai yooN T'eri afsurdagi ki DhunD maiN 
barq jaise kaunD jaey Teeragi ki DhunD maiN 

Dil ko ab Dil ki nazar se Dekhta koi naheeN 
kho rahi hai ab baseeraT roshani ki DhunD maiN 

saamne merey KhuDa Tha, maiN raha sajDoN maiN gum 
chhup gai hasTi KhuDa ki bandagi ki DhunD maiN 

mere Dil ki DhaRkanaiN bhi ho gaeeN Khamosh si 
DarD ki aahat mili jab naGhmagi ki DhunD maiN 

jaise chhan kar baaDaloN se aaey sooraj ki kiran 
yeh Tumhari muskurahat barhami ki DhunD maiN 

zindagi ke yooN To kiTne haiN manazir hamsafar 
zindagi hoTi hai Tanha jaaNkani ki DhunD maiN 

muskurana seekh lo gar Tum mohabbaT se KHATIB 
mil hi jaaengi wafaaiN Dushmani ki DhunD maiN