asadhamidi@hotmail.com 
india 

MANZAR PAS-E-MANZAR 

ek muheeT-e-bekaraN hai laa-shaoor 
jaise ho ek DhunD chhai har Taraf 
DhunD maiN poshidah haiN aafaaq ke 
anginat asraar jin ki had naheeN 
DhunD hi hai Khaliq-e-aafaaq ka goya hijab 
laashaoori DhunD se ubhra hai lekin yeh shaoor 
yaani insaaN ka shaoor! 

yeh Khaliq-e-aafaaq ka hai aainah 
jaise ho ek pul saraaT 
jiske neeche aik darya-e-wajooD 
bah raha hai jo azal se Ta abaD 
ek karishma hai yeh pul 
joRTa hai Khaliq-o-maKhlooq ko 
har zamaane maiN naye anDaaz se!