users_message: shabnamii subhaa hai aa_yii hoke tuu do chaar jaa 
baadlo.n ne sar jhukaayaa chuumtaa rukhsaar jaa 

sun zaraa baadal ye tere pech-o-kham kuchh bhii nahii.n 
dekhne mere sanam ke gesuu-e-khamdaar jaa 

aasmaa.N suunaa pa.Daa hai panchhii tuu parwaaz le 
kar hawaa se chand baate.n ghumne sansaar jaa 

kho chukaa taair kahii.n tuu taaqat-e-parwaaz agar 
le ke naalo.n kii mere tuu quvvat-o-raftaar jaa 

gar tasavvur ke liye chhotii pa.De hai ye zamii.n 
to.D de zanjiir-e-fitrat baadlo.n ke paar jaa 

wo merii jaan-e-sukhan wo shabnamii sur gum hue 
aa nasiim aakar tuu merii ruuh ko jhankaar jaa 

Gam ki gahrii nii.nd me.n arse se yaa.N sotaa huu.N mai.n 
jaa kahe ko_ii shafaq se kar mujhe bedaar jaa 

kho gayii 'Saadiq' terii tarz-e-bayaan-e-husn kab 
apne kamsin khvaabo.n ko tuu Dhuu.NDhne ik baar jaa