faseel e dhuNdh ke uss paaR koi  tou honaa hai

Naqsh e paa kaafil e ulfat yaa veshehtouN kaa wajood 
dard ki sehmi huwi daldal yaa jhulse khaabouN ki hadood 
behke tasvaR kaa koi naqash yaa yaadoN kaa hajooM 
yaa sabaa e taazaa sahar ke khoe huwai verdo darood 

faseel e dhuNdh ke os paaR koi tou honaa hai 

adh moii zeest ki lalchaai huwii sochouN ki pukaaR 
soi huwii aRmaanouN ki jholi mein lamhoN ki bahaaR 
jalaa ke apne kamzor hoslouN ki shamah 
chalo ajj cheeR ke daikhaiN yeh pardah e ghubbaaR 

faseel e dhuNdh ke os paaR koi tou honaa hai 

nishaan e manazil e veeraaN oubhaaR ke daikho 
dikhe naa kuch bhi magar phiR bhi pukaaR ke daikho 
kabhi tou dheere se apne khaloos ki naao 
ghummouN ke soe bhanviR mein uttaaR ke daikho 

faseel e dhuNdh ke os paaR koi tou honaa hai 

kisi ki ankh ke bakhre huwai kaajal kaa qayaass 
subaa ki nangi hathailii pe jammi wasal ki payaass 
dagmugaate huwai aanchal aur aaRzoo ki kali 
gunganaate huwai jhonke bekhudi ki bayaaz 

faseel e dhuNdh ke os paaR koi tou honaa hai.