PatHer ki moorty ho, ya ho khaak ka putla, 
      
     funkaari ke namoone haiN ye inko na toRo; 

     Inko jo khuda kehti hai us fikr ko toRo 

     Dam ke baGair aadmi bhi khaak ka putla. 

     Dam kya hai? bas ek jazba-e-ulfat wo mohabbat 

     is jazbe ko pHailao na pHailao ye nafrat; 

     tum talibaan-e-deen ho, quraaN ke ameeN ho, 

     apna hi makaaN toRte ho kaise makeeN ho. 

     apna watan saNwaro ye dehshatgari choRo 

     khud apne hi aasar-e-qadeema ko na toRo; 

     dil se nikaal pHeNko ta'assub o dushmani 

     jeene ke liye chahiye bas pyaar o dosti; 

     roshan fikr bano karo kuch tHos kaam tum 

     duniya meiN banaao alag apna muqaam tum. 

     
     ************** 
 

Hardev Sodhi 'Ashk'

Iftikhar Raghib

Khatib Hamidi

Mansoor Azmi

Mohammad M. N. Shakeel

Qaiser Mehmood

Sadullah Hamidi

Swaleh Atcha

Syed Naveed Anjum