ik wo ke aaj qasdan tufaaN meN chal parHa
ik tu ke sara manzar saahil se dekhta hai

rangat urhi urhi hai chehra bujha bujha hai
mujh se bijharh ke tera kya haal ho gaya hai

tum jis pe ja rahe ho, maiN jis se aa raha hooN
wo rahguzar alga hai, ye rasta juda hai

nanha sa aik pauda chahat ka jo uga tha
dekho, wo arz-e-dil par kaisa hara bhara hai

patthar ki murateN phir patthar ki murateN haiN
patthar ki muratoN meN samjha hai tu khuda hai

achhoN ko bhi ye duniya kahti bura hai 'raaghib'
sab se bura to meN tha mujh se bhi tu bura hai