yuN hasrat wo malaal ki tasveer banaaye
   baiTha hua hai kaun yuN chehrey ko chupaaye

   dil meiN merey aaye bhi to kaise koyi aaye
   is qalb-e-natawaaN ko gale kaun lagaaye

   phirta huN dar be dar yuhiN nashaad wo nakaam
   har roz apni laash ko kandhoN pe uThaaye

   hoNToN pe hai muskaan magar dil lahu lahu
   zinda huN ek niqaab ko chehre pe lagaaye

   khushiyaaN bhi chand roza yehaaN gham bhi aarizi
   is bewafa jehaaN se koyi dil na lagaaye

   duniya ki besabaati ab kya karooN bayaaN
   ek roz haNsaaye to haio ek roz rulaaye

   ibrat ka ye muqaam hai hasrat ki ye jaa hai
   muflis ho ya ameer qabr sab ko bulaaye.
 

Azam Shah

Bushra Butt

Hardev Sodhi Ashk

Kauser Saiyed

Meenakshi Jha

Mohammed Moinuddin Naithy

Pathan Firose Khan Aish

Qaiser Mehmood

Sajid Ali Behrani

Sarita Gupta

Steve Almas

Swaleh Atcha

Syed Naveed Anjum