Munawar Ahmad Shakir
batsman@t-online.de
Germany
Suna hai Log ussay
aankh bhar ke dekhte haiN
Kitne NadaaN haiN
uski soorat meiN keya dhoondte haiN
Ham Qadam hoke HawaouN
se yeh sookhey pattay
aik bicHrhey huwe
Mausam ka patta dhoondte haiN
ZamZam-e-Chashm se
jo Log wazoo karte haiN
Kaaba-e-Dil meiN
wohi apna kHuda dhoondte haiN
Teri Nisbat hai keh
phooloN se Mohabbat ki hai
Ham to kHushboo
meiN sada zikar tera dhoondte haiN
wo SaraboN ke HayouloN
meiN bhatak jaate haiN
Wuss`at-e-Dasht
meiN jo Naqsh-e-Wafa dhondtey haiN
Kitni hairat hai
keh Shakir Mohabbat kar ke
Log phir apni Mohabbat
ka sila dhoondte haiN
