Khatib Hamidi
mkhamidi@yahoo.com
Muzaffarpur, India
rah-e hyat maiN had se guzar ke dekhate haiN
gham-e hyat ko bahoN maiN bhar ke dekhate haiN
kisi ki rah maiN ham bhi bikhar ke dekhate haiN
isi tarah se hi ab ham saNwar ke dekhate haiN
wafoor-e shauq maiN pahle woh mar ke dekhate haiN
junooN ki rah se jo bhi guzar ke dekhate haiN
talash-e manzil-e hasti sarab ho nah kaheeN
kisi muqam pe ai dil thahar ke dekhate haiN
kya milega akele maiN yunhi rone se
kisi ke jam ko ashkoN se bhar ke dekhate haiN
hamari aankheN to ashkoN se jhilmilane lageeN
"suna hai log use aankh bhar ke dekhate haiN"
khudi se apni shanasai jinki hoti hai
ana ke gahre bhaNwar se ubhar ke dekhate haiN
chhupa hua hai har ek dil maiN ek guhar nayab
KHATIB sab ke diloN maiN utar ke dekhate haiN
