Bushra Butt
bbutt@urdustan.com
New York, USA
Khudaya khair ho,
woh sar jhuka ke aya hey
Lagay mujhey keh
naya, gul khila ke aya hey
"Suna hey log usay
aankh bhar ke dekhtey hein"
Jo chehrey per naya
ik rukh saja ke aya hey
Sawaar hum they idhar
kaghazon kee kashtee per
Udhar behar ko woh
aag, ik laga ke aya hey
Hey mutmain sa woh,
phirta shehr kee galion mein
Mera sakoon jo phir
sey mita ke aya hey
Jaley ga kab mera
ghar, intizaar mein sab hein
Iraada apna woh
sab ko bata ke aya hey
Shab-i-faraq ke tool-o-araz
na samjhe gaa
Keh apna ilm-i-riyazee
bhula ke aya hey
Hamara haal sunata
tha hans ke mehfil mein
Qasam Khuda kee
bohut aazma ke aya hey
Pohunchney kyoon
nahin deteen yeh lehrein sahil tak
Kiya Jaaniye woh
badal rukh hawa ke aya hey
Sunaa thaa logon
se ab kuch sambhal gaya hey magar
Hamein to pehley
se zyada sataa ke aya hey
