Zafar Hamidi
asadhamidi@hotmail.com
India
"suna hai log use aankh
bhar ke dekhate haiN"
har ek shoba-e fikr-o-nazar
ke, dekhate haiN
jo dekh lete haiN
manzar maiN us ka pas manzar
woh satah-e aqal
se oopar ubhar ke dekhate haiN
tamam bazm hai mahw-e
jamal-e paikar-e naz
kuchh ahl-e dil
haiN jo dil maiN utar ke dekhate haiN
nah jane kisski shahadat
hui sar-e maqtal
haseen tukre tRapte
jigar ke dekhate haiN
koi faqeer sada dene
roz aata hai
wo apne bam se aksar
saNwar ke dekhate haiN
hamar-e mulk maiN
bikhre paRe hain aise qafas
jahaN parindoN ko
be bal-o-par ke dekhate haiN
woh mere kalba-e
ehzaN ky ek dreeche se
kabhi kabhi mera
dhaNcha thahar ke dekhate haiN
kharam-e naz maiN
sahil ki ret par woh bhi
likhe huey kai naghme
ZAFAR ke dekhate haiN
