Swaleh Atcha
Mississauga Ontario, Canada.
e-mail:swalehiatcha@yahoo.com
swalehatcha@urdustan.com
Nazr e Faraz
=========
"suna hai log use aankh bhar ke dekhate heiN"
aur nazzare hum ahl e nazar ke dekhate heiN
kaha tha us se na nikalna yoon a'yaan hokar
suna hai rehrawan e shouq tehhar ke dekhate heiN
jo hote heiN qismat ki lakiroN ke aseer
suna hai khawab woh lal o gohar ke dekhate heiN
har dukh ka sila hum mohabbat se detay heiN
log hosle hamare sabar ke dekhate heiN
hijratoN ke safar meiN' aisa bhi muqaam aaya !
Ke' dar o baam be~jalvah ghar ke dekhate heiN
vehshat si hone laghi hai shehr e kaakh o koo se
gar milay kaheen rah tu ghuzar ke dekhate heiN
hum mojah e hawa ke rastay meiN heiN yaaro
khushbo ki tarah faza meiN bikhar ke dekhate heiN
kuch aur tu naheen magar likhte wohi heiN dost
halaat jab digargoN hum shehr ke dekhate heiN
kiya ? phir koie vahshi basti meiN aa ponhcha
kiyun ? log samaaN hashar ke dekhate heiN
bohat naaz hai tujhko apni be~daari par ! !
magar aasaar hum rakht e safar ke dekhate heiN
phaDakti huwi lo pata de rahi hai sahar ka
tu aao ' andhairoN se ghuzar ke dekhate heiN
musaftoN ki dhool abhi utri naheen pairoN se
Swaleh chalo' ek bar phir safar karke dekhate heiN
