Sonnet:  Khitaab ba zabaan-e-urdu.
            *****************************

    Aye zabaaN tere bihikHwahoN se maiN Darta huN
    
    Sab ke sab yeh haiN mehez apni gharz ke banday

    Qaadri in meiN hai koyee to Khalifa koyee

    Koyee tuk bandya shaayer to gawyya koyee

    Naam layker ye tera karte heiN ulTe dhanday.

    Anginath anjumaneiN heiN bani teri khaatir

    Moatamed koyee hai unka to koyee hai naazir

    Tujhko badnaam na kardeiN ye kaheiN darta huN
 
 
 

    Dilli ke laal qille mein tu hui thi paida

    Avadh ke shurfa wa umraa ne tujhe tha paala

    Tu dekkan ke gali kuchoN meiN pali phooli baDhi      

    Saare bharath meiN thi ek waqt teri dhoom machi
 

   Aaj afsos wahi desh tera dushman hai           
  
   Rooh zaKhmi hai teri chaak tera daaman hai.

         **********************

  PS: in ashaar se mera maqsad kisi ki tazheek nahiN hai. jo bhi mei ne yehaaN shehre "chennai" meiN dekha aur mehsoos kiya uska radde amal heiN yeh ashaar.  --- Shakeel 

Azharul Haq Naseem

Kasim Siddiqi

Mohammad M. N. Shakeel

Sh A. Shah Khan

Yogesh Sethi