Mohammed Moinuddin
Naithy 'Shakeel'
naithy@eth.net
Chennai, India
Mein un se keh reha huN mujhe yaad kijiye.
*******************************************************
Veeraniye dil ko meri aabad kijiye
Dil qaid-e- gham meiN hai usey aazad kijiye
Nakaam huN nashaad huN kuch shaad kijiye
Is kasmapursi se mujhe Aazad kijiye
MeiN un se keh reha huN mujhe yad kijiye.
Khali paDa hua hai merey dil ka aashiyaN
Kam hota ja reha hai noor-e- shama frozaN
ZakhmoN se choor choor hai yeh jism-e-nathawaN
Aathi heiN yad aapki woh mehrebaniaN
Is qalb-e- ghamzedeh ko phir se shaad kijiye
MeiN un se keh reha huN.................................
MuNh choTa aur baat baDi kaise meiN karooN
Ban Than ke yuN na nikleiN koyi kar na dey fusooN
Yeh naaz yeh naKhre yeh adaayeN meiN kya karooN
In sab ka to maara huN-ab na muskura ke yuN
Ek taazeh sitam aur na eejad kijiyr
MeiN uin se keh reha huN.................
Kab tak sehayga dil mera yeh baar-e-ranj-o-gham
Har roz mujh pe TooTta hai yek naya sitam
MajnooN to huN pehley hi se meiN aapka sanam
SheereeN heiN gar to aapko is naam ki qasam
teesha thama ke mujhko bhi farhaad kijiye
MeiN un se keh reha huN.........................
Ab kya bataayeN kaise guzartey heiN rozoshab
Zulmo sitam kaheiN to kaheiN jabr aur ghazab
Aatey naheiN samajh meiN zamaane ke rango dhab
Qanoon ke rakhwaley karein qatl-e- aam jab
Ab kis se jaakey zulm ki faryaad kijiye
MeiN un se keh reha huN mujhey yaad kijiye.
|
