ujRe chaman diloN ke phir aabaad kijiye 
   maiN un se kah raha hooN mujhe yaad kijiye 

   surkhi rukh-e-hyaat peh aaegi ek din 
   ashkoN maiN yooN lahoo ko neh barbaad kijiye 

   lab par mre rahega bas ek naam aapka 
   naashaad kijiye ya mujhe shaad kijiye 

   dil se hi baat ham kahaiN ur dil se hi sunaiN 
   andaaz-e-guftagu nya eejaad kijiye 

   maqsood hai Khuda se te-alluque bana rahe 
   khamosh si doa kabhi faryaad kijiye 

   raaghib anaa ko tor kar zarb-e-kaleem se 
   apni khudi ko qaid se aazaad kijiye 

                   --- Raghib Hamidi 

Amir Butt

Anis Khan

Arshia Siddiqui

Bushra Butt

Farrukh Abbas

Khatib Hamidi

Mansoor Aazmi

Mohammad Azam

Mohammed Moinuddin Naithy

S. Azam Shah Khan

Safiya Ali

Sana Rizvi

Swaleh Atcha

Syed Faisal Habib

Syed Naveed Anjum

Syed Mufti

Urooj Siddiqui

Vipul Khemka