sab'r-o-sukoon-o-furqat se ghabraaya jii ke yuN 
   main un se kah raha huN mujhe yaad keejiye 

   soorat nikaalna hai visaal-e-yaar ki magar 
   ho kuch na aur bas meiN to faryaad keejiye 

   ek um'r se haiN uljhaaye, zulfoN ke peNch-o-kham 
   hai ilteja yehi ki na aazaad keejiye 

   aayi samajh meiN aakhir, haqeeqat hai aakhirat 
   aalam naza ka hai to kya imdaad keejiye 

   sun_te haiN vo rakhe hai kharaaboN pe hi nazar 
   lillah aap mujh ko bhi barbaad keejiye 

   mushkil hai un se milna magar is qadar nahiN 
   rasta naya Anis koi iijaad keejiye 

Amir Butt

Anis Khan

Arshia Siddiqui

Bushra Butt

Farrukh Abbas

Khatib Hamidi

Mansoor Aazmi

Mohammad Azam

Mohammed Moinuddin Naithy

S. Azam Shah Khan

Safiya Ali

Sana Rizvi

Swaleh Atcha

Syed Faisal Habib

Syed Naveed Anjum

Syed Mufti

Urooj Siddiqui

Vipul Khemka