ai maut bas tu ab aake galae ham ko laga le
kab Tak yun liye phirTe raheN paoN meN chhale 
labrez hue jaTe haiN ab sabr ke piyale 
ai manzile maqsooD hameN pas bula le 

SunTe hain Tera zaeqa maninDe shaheD hai 
ham isko chakhenge yeh hamara bhi aheD hai 
go janTe hain iski saza qaiDe laheD hai 
Bhate nahiN kuchh yun bhi zamane ke ujale 
ai maut bas tu ab aake galae ham ko laga le

ham ko To na aya kabhi jeene ka qareena 
mushkil se bacha paye THe kuchh apna safeena 
is Daur meN Dushwar hai mazloom ka jeena 
lillah hameN ab GHame DuniyaN se bacha le 
ai maut bas tu ab aake galae ham ko laga le

Tu Dekh le a pahonche hain Darwaze pe Tere 
rasTe meN hameN sab mile khushiyoN ke lutere 
ruswaiyaN tanhiyaN aur GHam ke anDHere 
Tu ham ko zamane ki jafaoN se bacha le 
ai maut bas tu ab aake galae ham ko laga le