KahiiN pe karb ka mojib kahiiN karah meiN hai 
KahiiN pe dard ka baai'th kahiiN pe aah meiN hai 

Sabhii ko ik na ik din tuu galay lagaayegii 
Tera yah khauf faqeeroN meiN baadshaah meiN hai 

Woh mahal-e aish meiN ho ya ki dasht-o-shahra meiN 
Kahiin bhii ja ke chhupe woh terii nigaah meiN hai 

JahaaN meiN uljhe hue jo haiN un se posheedah 
Jo ahl-e 'ilm haiN unkii sada nigaah meiN hai 

kahiiN bhii ja ke chhupa tujh se bach nahiiN sakta 
Woh baadshaah ho, payamber terii nigaah meiN hai 

Hayaat maut ke pahloo meiN hai panaah meiN hai 
Kisii kii ho na ho yeh "Shaikh" kii nigaah meiN hai