|
|
 |
| urdustan > mushaira > result for April 2000 |
|
|
|
| urdustan > mushaira > result for April 2000 |
Tarhi Mushaira
The word for this month was "aatish". We also gave
a picture to help you visualize. And seems like we accomplished our goal.
As always all your entries were great. We are posting the chosen ones here.
As usual they are in no particular order.
Questions and comments are always welcome.
Winner of this
month's mushaira is given one book of urdu poetry. The prize is sponsored
by kutubnuma.com the online book
store.
The Inspiration |
The Judges as usual are:
|
|
"ab aatish-e-firaq meN jalta hai sab wajood" by Shoaib Tanvir from Pheonix, Arizona. Congradulations ! stanvir@go.com . 
barsoN tumhaari yaad meiN jalta rahaa hooN meiN sar meiN tumhaare piyar ka saudaa liye hue lekin ab intizaar ka yaaraa nahiN mujhe kab tak jiuN meiN aankh meiN darya liye hue rasm o rivaj e dehr maiN jakRi hui ho tum
mere liye bahaar-o-khizaaN eik se heiN sab
|
|
naithy@eth.net India
Kahte haiN kaho sher tum "aatish" ki zameeN par darte haiN jhhulas jaayeN na "aatish" ki zameeN par . dil meN liye wisaal-e-tammanaay-e-yaar ko lo kood parhe haiN ham "aatish" ki zameeN par . kahna sambhaal ke sher ke jal jaaye na zubaaN asaan nahiN sukhanwari "aatish" ki zameeN par . na aatish nimrood na naar-e-jahannum thandi si narm aanch hai "aatish" ki zameeN par . yah ishq ki hai aag na dar iss se tu shakeel meethi si ek lazzat bhi hai "aatish" ki zameeN par |
sarfraz_ali@yahoo.com Jeddah, Saudia Arabia
"aatish-e-wasl" jala de na wajood-a-ehsaas ham ne barfaab gulaaboN se mohabbat ki thi . kitne akhlaas se phooloN ne diya hai dhoka un ki niyat na thi yah baat to aadat ki thi . uss ne aankheN jo chura liN to hua yah maloom rishtedaari bhi zamaane meN zaroorat ki thi . yooN to mahtaab chamakta hai shaboN meN lekin uss ke hansne meN bhi parchhaayi ik zulmat ki thi |
|
arshiya@urdustan.com Vienna, Austria
mujhe yah nayi duniya to mili hai wafaaoN se saja li hai maiN ne jo hai teri khusbooyoN meN doobi yah duniya haseeN hai magar jaanaN! . nahiN rahna mujhe iss meN yah hai aik dhoka ke tum ho musaafir nahiN ham-safar tum chale jaao ge phir mujhe choRh kar tum maiN yuN hi tarhapti machalti rahooN gi "benaam aatish" meN jalti rahooN gi . na aao ge phir tum kabhi laut kar jab to apni hi aag meN maiN jal marooN gi issi raaste pe teri raah takte inhi parbaytoN se maiN jaan dooN gi . meri matti bhi tere qadmoN meN ho gi jo woh raah roke to ik pal ko rukna usse aik halka sa ehsaas dena . main jaanoon gi maiN ne jahaaN pa liya hai mohabbat ka ik aashiyaaN pa liya hai magar jaan-e-jaanaN . aisa na ho phir tera lams pa kar tera qurb pa kar mera dil dharhakne lage . meri matti ko gar jaan phir mil gayi to adhoori si phir ik kahaani bane gi.. |
urooj@urdustan.com Veinna, Austria .
aap ke aangan raat shahnaayi bajti rahi Mere aangan "aatish" dahakti rahi . koi meri saij pe sone lagi aap ki baahoN meN khhone lagi palkoN pe khawaab pirone lagi main bistar pe karwat badalti rahi mere aangan "aatish" dahakti rahi . kissi aur ko aap ka sahaara mila mera saaya mere saath bhi na chala aap ke aangan neya aik phool khila meri goad har pal jalti rahi mere aangan "aatish" dahakti rahi . aap ki raah meN naye phool khilte rahe mere dil ke nishaaN jalte rahe aap zulfoN ki chhaayoN meN sote rahe maiN hijr ke sahra meN bhatakti rahi mere aangan "aatish" bhatakti rahi . kissi ka aanchal sitaaroN se sajne laga mera daaman aag meN jalne laga koi apni maang afshaaN se bharne laga meri maang "aatish" ugalti rahi mere aangan "aatish" dahakti rahi . mere dil ke so tukrhe hue kissi ke haath hinaayi hue meri aankh se do qatre gire aur kissi ki kalaayi dhamakti rahi mere aangan "aatish" dahakti rahi . aap ke ghar meN chiraaghaaN hone laga koi andhera aurh ke sone laga aap ki mahfil meN neya geet chorhne laga maiN tanhaayis e baateN karti rahi mere aangan "aatish" dahakti rahi . mere khawaab raiza raiza hote rahe mere pahlu meN armaaN hote rahe aap kissi ka haath thaam ke chalte rahe maiN palkoN pe moti paroti rahi mere aangan "aatish" dahakti rahi . kissi ki kashti ko mera na-khuda mil geya meri naayo ka kinaara bhi khho geya koi saahil se ja ke lag bhi geya maiN bhanwar meN doobti sambhalti rahi mere aangan "aatish" dahakti rahi |
|
jaanu223@saudiaonline.com.sa Saudia Arabia .
saans hawa baknar seene ki "aatish" ko barhkaaye to jeevan phir bhi jeevan tahra, daaman maut bachaaye to . kaise jeete haiN jeevan meN, kaise saath nibhaate haiN aa kar thaam le koi ham ko aur koi samjhhaaye to . in ashkoN se doob ke aakhir ham ne hansna chaaha hai na-mumkin to mumkin karna koi hameN sikhhlaaye to . apni maazi ki yaadoN ke ham iklaute waaris haiN jo bhi maang raha hai ham ko, un ko bhi apnaaye to . ham bhi bilkul toot gaye, unki bhi haiN aankheN num lekin apne beech meN aa kar baat koi suljhhaaye to . khud ko ruswa karne se bahtar hai khamosh raheN aa kar beech kahaani meN tum jo kahiN ghhabraaye to . yah lo duniya waalo tum par chaand ne khud ko waar diya ab tum meN se koi aaye aur usse dafnaaye to |
faisal404@urdustan.com Rawalpindi, Pakistan
original kalaam: zindagi ki mujhe duaayeN na do yaar ho ke to bad-duaayeN na do nayii tahzeeb ka taqaaza hai ke sar pe bahnoN ke ab ridaayeN na do zakham de ke dawa karo na koi umar ki ab mujhe duaayeN na do "aatish-e-hijar" meN kami to nahiN fasl-e-gul ko a hawaayeN na do aik baar maar daalo mujhe par mujhe roz yooN sazaayeN na do with corrections: mujh ko lambi umar ki duaayeN na
do
|
|
farrukhji@aol.com CA, USA .
kar liya khud ko udaasi ke bhanwar meN "aatish" jaise bikhri ho har ik simt nagar meN "aatish" . raah tareek hai uss shahr-e-tamanna ki taraf saath rakh lena ujaaloN ko safar meN "aatish" . mujh ko iss shehar ke logoN pe bharosa hi nahiN aab maangooN to yah lagaate haiN ghar meN "aatish" . dil meN rakhi thi faqat aik diye ki khawahish kis ne maangi thi khudaaya yah nagar meN "aatish" . yah mera zaraf ke maiN phool bichhaayooN farrukh uss ki aadat ke rakhe raah guzar meN "aatish" |
dost@aol.com CA, USA
. zara yah soch le jalne se pahle aik pal "aatish" zamaana raakh ho jaaye na itna aaj jal "aatish" . na lahra kar jala kar tu, na itra kar chala kar tu nikal jaayeN na tere man-chale sholoN ke bal "aatish" . agar jalna hi maqsad hai to phir to aaj aisa kar tu apne rang, apne dhhang, thorhe se badal "aatish" . kabhi chalti hai tu jungle ki jaanib jis rawaani se zara mere makaaN ki bhi taraf tu aaj chal "aatish" . teri yaadoN se mere dost aur tere kheyaaloN se jala rakhhi hai apne dil meN ham ne aaj kala "aatish" |
|
ajaz@urdustan.com Bahrain
angaare kaise iss ke phool se badal jaate haiN pathar kyuN aa ke iss "aatish" meN pighal jaate haiN . na jaane kya thandak hai iss jazbay-e-aatishieeN meN kis sakooN se parwaane iss meN jal jaate haiN . kaun samjhe guftagu iss ki,kya zubaaN hai iss ki haunt hilte nahiN aankhoN se fasaane nikal jaate haiN . jalti hai aag jo dil meN nazar aaye kaise lab par muskrahat dil meN armaaN ubal jaate haiN . ke jala de gi ik roz hameN magar paane iss ki tapash ko musalsal jaate haiN |
farogh@hotmail.com Sydney, Australia
luta karta hai aksar hi jahaN mera mohabbat pe chale hai bas kahaN mera teri yaadoN ke dareya meN jo dooba hooN pata chalna hai kis ko ab yahaN mera badal dena tum apni baat ka mauzoo jo poochhe gar koi haal-e-rawaN mera nazar aane lagi hadd-e-bulandi bhi urha kar le chala ishq-e-butaaN mera saza sach bolne ki mil gayi mujh ko hua hai "nazr-e-aatish" aashiyaaN mera farogh ab walwale dil meN nahiN uthte kabhi ka so geya "aatish" fishaaN mera |
|
maha_raj@yahoo.com Banglore, India
teri khawahish thi sanam barsoN dil ki "aatish" hui na kam barsoN . muskraana bhi bhool baithe haiN gha ki gardish thi be-raham barsoN . beeghi aankheN haiN rooh bhi beeghi aisi baarish thi har qadam barsoN . be-sabab ab niqaab kyuN uss par jo numaayesh thi be-sharam barsoN . raj karaate haiN karaate jaayeN ge aazmaayesh teri qasam barsoN |
khanjee35@hotmail.com Karachi, Pakistan
yooN hi na-haq hameN dozakh se tum daraao ge "aatish-e-hijr ke jalon ko kya jalaao ge . daaman-e-hasrat-e-wasal jal gaya ho ga aansoo ponchhne aao ge to kya paao ge . aarzoo ham se dil azaar ho ke rooth gayi shab-e-firaq hameN kis tarah sataao ge . sitam-garoN ke jahanum se ja ke kah dena hamaari aah lage gi to pighal jaao ge . khan ne bhool ke socha bhi nahiN tha ke kabhi tum usse bhoolna chaaho ge, bhool jaao ge |
|
pogi95@hotmail.com New York, USA
"aatish-e-barbaadi" meN yah dil bhi mera jal geya qalam tak pohancha nahiN jo aik misra jal geya . aah jo nikalti thi dil se, bhhaap ki maanind thi pi geya th jis ko maiN woh aansoo ka qatra jal geya . rait ke taile nahiN ab raakh hi aati nazar shams ki "aatish" ki lau meN saara sahhra jal geya . taseer hi kuchh aisi hai iss aag ki kya maloom tha raah-e-ulfat par maiN lamha bhar kya tahra, jal geya . daagh-e-firaaq-o-ranj-o-tanhaayi meN jal gayi saary shab subha jab tanha hi aayi dil dobaara jal geya . woh sukhanwar tha ghazal ka saare aalam se juda mere dil ki maut se ik daur sonahra jal geya . deedaar-e-yaar ka ai shareek ab nazaara bujhh geya zindagi ko ishq ka jo tha sahaara jal geya |