Mohtasib! hum bay gunahoN ko na day ilzaam-e-maY 
 Tashnagi mein aa gaie, honTon pay maY khanay ki baat 

 HaaN abhi bhooli nahi jor-e-khizaaN ki daastaaN 
 Ahtayatan hum nahi kertay bahaar aanay ki baat 

 Ban gaie hay surkhi-e-husn-e-baharan jaadwaaN 
 Aa gaie zulf-e-moanber kay bikher janay ki baat 

 Her nafas mein sholah zan haiN, germiaN halaat ki 
 Zindagi hay in dinoN bay mout mer janay ki baat 

 Maykadah badla huva, SAGHAR shakastah haal hain 
 Her haqeeqat ban gaie hay aaj afsanay ki baat. 

 Muntazim, ham faaqa mastoN ko nadeeda mat samajh 
 Bhook mein honTon pay aa hi jati hay khanay ki baat 

 Kucha-e-janaN mein jab say "sir phuTaw'wal" ho gaya 
 Ahtayatan hum nahi kertay wahan janay ki baat 

 uR gaie chahray ki rangat, saans bhi ruknay lagi 
 chheR di begum nay phir shopping pay lay janay ki baat 

 Ban gaya apna raqeeb, "Achhu Qasaaie" Uff naseeb! 
 Panga lena us say hay, bay mout mer janay ki baat 

 Apni woh zindah dili, hazir jawabi or hansi 
 Bad az shaadi bani hay aaj afsanay ki baat