mujhe ghar yaad aata hai 
Mohammad Sanaullah Sani Dar Meeraji 
urdustan.com
  urdustan >> anam >> 2001 >> February 
you can read this nazm in Urdu Script 
This nazm is dedicated to anyone who ever has lost his house for any reason, like earthquake, fire, war, riots, or may be left on his own as in the case of Meeraji. A home is not made up of walls but of people residing within the walls.
simaT kar kis liye nuqta nahi banti zameeN? kah do
ye phaila aasmaaN uss waqt kyuN dil ko lubhata tha?
har ik simt ab anokhe log haiN aur unn ki baateN haiN
koyi dil se phisal jaati, koi seene men chubh jaati
inhiN baatoN ki lahroN par baha jata hai ye bajra!
jisse saahil nahiN milta
maiN jiss ke saamne aaooN mujhe laazim hai halki muskaraahaT meN kaheN ye hoNT
"tum ko jaanta hooN"
dil kahe "kab jaanta hooN maiN?"
inhi lahroN pe bahta hooN mujhe saahil nahi milta. 
 
 

simaT kar kis liye nuqta nahi banti zameeN, kah do!
wo kaisi muskaraahaT thi, bahan ki muskaraahaT thi, mera bhai bhi hansta tha
wo hansta tha, bahan hansti hai, apne dil meN kahti hai
ye kaisi baat bhai ne kahi, dekho wo ammaN, aur abba ko hansi aayi
magar yuN waqt bahta hai tamaasha ban gaya saahil
 

simaT kar kis liye nuqta nahiN banti zameeN kah do!
ye kaisa pher hai, taqdeer ka ye pher to shaayad nahi, lekin
ye phaila aasmaaN uss waqt kyuN dil ko lubhaata tha?
 

hayaat-e-mukHtasir sab ki bahi jaati hai aur maiN bhi
har ik ko dekhta hooN, muskaraata hai ke hansta hai
koi hansta nazar aaye, koi rota nazar aaye
maiN sab ko dekhta hooN dekh kar kHaamosh rahta hooN
mujhe saahil nahi milta

|| urdustan ||
adeeb | anam | e-mail | mazameen | mushaira | u-hoo | about us
e-mail : kashif@urdustan.com