phir bhi tahseen ke laayeq hai tera azm-e-jawaaN!
tu ne jaNgeN bhi laRhiN, jaam-e-shaadat bhi piya
tu ne khuTbe bhi diye shaam ke baazaaroN meN
tu ne fitrat ko badal daala tha deeN ki khaatir
teri hasti hai zamaane ke liye masha-e-raah
tere qadmoN ke tale jannat-e-firdos bhi hai
zindagi tere liye azmat-e-meraaj bhi hai

aankhn men noor to randoN meN haya baaqi hai
tiira zahanoN ke liye teri jala baaqi hai
tujh se qaayem hai zamaane meN muhabbat ka chalan
dast-e-qaatil bhi tere saamne larzaaN larzaaN
tu ne maznil ko taraasha hai jawaaN himmat se
daT gayi rah meN hamesha to chiTaanoN ki tarah
tera har roop wafaa, issat-o-namoos baqaa

phir bhi har daur meN mardoN ki ataayat ki hai
tu ne iss tarah bhi duniya meN ibaadat ki hai