buhat yaad aane lage ho
bicharhna to milne se barh kar
  tumhe mere nazdeek laane laga hai
maiN har wat khud ko
tumhaare jawaaN baazoo-oN meN pighalte hue dekhti hooN
mere haunT ab tak
tumhaari mohabbat se nam haiN
tumhaara kahna ghalat to na tha ke
mere lab tumhaare laboN ke sabab hi gulnaar haiN
tw khush ho
ke ab to mere aayine ka bhi yahi kahna hai
maiN har baar baaloN meN kanghhi adhoori hi akr paa rahi hooN
tumhaaro mohabbat bhari ungliyaaN rok leti haiN mujh ko
ab maiN maanti ja rahi hooN
mere andar ki saari ruteN
aur baaha rke mausam
tumhaare sabab the
tumhaare liye the 
jawabann
khizaaN mujh meN chaaho ke tum dekhna
ya ke fasl-e-bahaaraaN
koi faisla ho..
magar jald kar do to achha hai!!!