urdustan.com
urdustan.com
urdustan.com
 ghar /  anam / 1999 / April

Garmi-e- dasht-e-karbala

Babar Ali Anees [ 1804- 1874]


 
Marsiya is a form of Urdu poetry in which death of someone is described, Ghalib has written marsiya on the death of his son laazim tha ki dekho mera rasta...   which is in the form of ghazal, Iqbal also wrote marsia on the death of his mother.
        But the term  Marsiya is  generally used for the poems dealing with the tragedy of Karbala and events associated with it. The usual form of marsiya is four  lines of same radef/qaafiya and two lines of different radeef/qaafiya. The marsiya is well developed form of poetry. The intensity of pain and suffering described in a marsiya is unparallal in any other literture.  The marsia presented here is from the K. C. Nanda's book Masterpieces of Urdu Nazm it is and abridged version of the original.

        Another reason for presenting marsiya is the war going on in Kosovo;                   ---- kashif 

garmi ka roz-e- jang ki kyoN kar karooN bayaN,
Dar hai ke masl-e-shama na jalne lage zabaan.
woh loo, ke alhazar! woh haraarat, ke alamaan!
ran ki zameen to surkH thi aur zard aasmaaN.
[ loo= heat wave;  haraarat = heat/temperature; alhazar= alamaaN = Allah's mercy]

aab-e-kHunuk ko kHalaq tarasti thi kHaak par
goyaa hawa se aag barasti thi kHaak par
[ kHunuk = cold]

wo loo, woh aaftaab ki hiddat, woh  taab-o-tab
kaala tha rang dhoop se din ka misaal-e-shab
kHud nahr-e-alqama ke bhi sookhe hue the lab
kHaime jo the habaaboN ke tapte the sab ke sab
[ hiddat= passion/fury;  taab-o-tap= very hot weather
shab= night; kHaime= camps; habaab= bubbles]
 

uRhti thi kHaak, kHushk tha chashma hayaat ka
khaula hua tha dhoop se paani faraat ka.
[chashma= fountain; hayaat= life;  khaula=boiling; faraat= a river in Iraq]

jheeloN se chaarpaaye na uthte the ta ba shaam
maskan mein machhliyoN ke samandar ka tha maqaam
aahu jo kaahile the, to cheete syaah faam
pat-thar pighal ke rah gaye the masl-e-mom kHaam
[ta= till; ba= with;  maskan= home;  aahu= deer;
cheete=tigers; syaah-faam= black; mom= wax; kHaam= unripe]

surkHi uRhi  thi phooloN se, sabzi gayah se
paani kooweN meiN utra tha saaye ki chaah se
[ surkHi= red color; sabzi= green; gayaah= grass, kooweN= wells; saaye= shade]

kosoN kisi shajar meiN na gul the na barg-o-baar
ek ek nakHal jal raha tha soorat-e-chinaar
haNsta tha koi gul na lahakta tha sabzaar
kaanTa hui thi sookh ke har shaakH-e-baar daar
[ shajar= trees; barg-o-baar= fruits;  nakHal= plants;
shaakH= branch; baar daar= fruitful]

garmi ye thi ke zeest se dil sab ke sard the
patte bhi masl-e-chehra-e-madqooq zard the
[ zeest= life;  madqooq= consumptive; zard= pale]

aab-e-rawaaN se muNh na uThaate the jaanwar
jungle meiN chhipte phirte the taair idhar udhar
mardam the saat pardoN ke andar araq se tar
kHaskHaana-e-mizhha se nikalti na thi nazar
[ aab-e-rawaaN= flowing water;  taair= flying bird;  mardam= people;
araq= juices/drinks;  kHaskHaana= hut; mizha= eye-brows]

gar chashm se nikal kar Thahar jaaye raah meiN
paRh jaayeN laakh aable paa-e- nigah main.
[ chashm= eyes;  aable= blisters; paa-e-nigaah= feet of the eyes]

sher uTh-te the na dhoop ke maare kachhaar se
aahoo na muNh nikaalte the sabza- zaar se
[kachhaar= alluvial land; sabza-zaar= meadows]

aaeena mehar ka tha mukaddar ghubaar se
gardoon ko tap chaRhi thi zameen ke bukHaar se
[ mehar= kindness;  mukaddar= gloomy;  gardooN= heavens]

garmi se muztarib tha zamana zameen par
bhun jaata tha jo girta tha dana zameen par
[ muztarib= agitated]

girdaab par tha shola-e-jawaala ka gumaaN
angaare the habaab, to paani sharar fishaaN
munh se nikal pari thi har ik mauj ki zabaaN
teh par the sab nihaNg, magar thi laboN pe jaaN.
[ girdaab= water;  habaab= bubble; sharar= sparks;  nihaNg= crocodiles]

paani tha aag, garmi-e-roz-e-hisaab thi,
maahi jo seekH-e-mauj tak aayi kabaab thi
[ roz-e-hisaab= doomsday;  maahi= fish; seekH= cooking rod; mauj= wave]

aaeena-e-falak ko na thi taab-o-tab ki taab,
chhipne ko barq chaahti thi daaman-e-sahaab.
sab se siwa tha garm mizaajaon ko izteraab,
kaafoor-e-subah dhoondhta phirta tha aaftaab.
[ falak= sky; barq= lightning; sahaab= clouds; izteraab= anxiety, aaftaab= sun]

bhaRhki thi aag gumbad-e-charkH-e-aseer meiN
baadal chhipe the sab kurrah-e-zamhareer meiN.
[ charkH= sky;  kurrah= round thing/spot; zamhareer= very cold]

links :

some more marsiyas :  @ Asad Raza site

Special reports on Kosovo :  by BBC

kosovo crisis update : by UNHCR
 



kashif@urdustan.com